alone
10-02-2009, 10:56 PM
السلام عليكم ورحمة الله وبركاته
http://www.buttonmasher.co.nz/wp-content/uploads/Killzone2coverart_127DE/killzone2cover.jpg
بالبداية أحب أهني جميع الاخوة بالخليج بصدور اللعبة الرائعة Killzone 2
قبل موعدها الأصلي ب 17 عشر يوم وكان الله في عون من لم تصله النسخه سواء في الخليج أو ببقية دول العالم ..
عموما ً .. حصلت على نسختي اليوم في الكويت الساعه 1 ظهرا ً
وبدأت مغامرتي في اللعبة بطور الأوفلاين " التوصيل " في تمام الساعه الواحده والنصف تقريبا ً وانتهيت قبل قليل "الساعه التاسعه و 50 دقيقه مساءا " من انهاء اللعبة .. على مستوي
easy .. لاني بس أهتم بالقصه والقرافكس والقيم بلاي
وانطباعاتي هي كالتالي ..
القصة :
من أروع القصص التي مرت علي في مجال الألعاب بالفعل قصة قوية جدا ً يعني من كثر قوتها صراحه ماقدرت اني اقوم من على السوني .. أخلص مرحلة اقول يالله الحين اقوم .. انجبر اني اقعد واتابع لعب حتى اعرف شراح يحصل .. وطبعا ً النهاية حدث ولاحرج رائعه جدا ً .. لكن نصيحه .. قبل لاتلعب هالجزء اقرى قصة الجزء الأول عشان تكون محيط بكل الامور وانت تلعب وما"تصيع" ..
التقييم : 10\10
القرافكس :
يــــا ربــــــــــــــــــّــــــــــــــــــــــــــــا ه
كيف لكِ أن تفعلي ذلك ياقوريلا قيمز .. كيف لك أن تفعلي ذلك يا سوني !
اخواني واحبائي .. تدرون شنو أول شي فكرت فيه لم لعبت اللعبه ؟؟
تذكرت لعبة
God of war
كان أقوى لعب وأقوى قرافكس على جهاز بلي ستيشن 2
وكان من انتاج سوني .. يعني القصد ان سوني استغلت امكانيات جهازها بالشكل المطلوب
وهالشي تكرر الحين مع كل زون ..
قرافكس جبار .. رائع .. مذهل .. قوي .. كل كلمة مدح لزقوها بالقرافكس
كمصمم قرافكس صعب يعجبني شي وأركز على كل كبيره وصغيره لم اشوف اي عمل قرافكس
لكن سوني خلتني "أنكعم" وأسكت واحط لساني بلحجي وأبحلق عيوني في كل لحظه من لحظات لعبي للقيم ..
بإختصار " أقوى قرافكس وأنميشن مر علي بمجالي الفيديو قيمزي "
يعني ماتدري وانت ترمي الي جدامك تستمتع في ذبحه .. ولا تستمتع طريقة موتته .. ولا تستمتع في جمالية السلاح في إيدك ولا تسمتع في الطلقات واهي تطلع من السلاح ولا تسمتع في طريقة خروج الدم من الشخصية الي جدامك ..
الشخصيات : روعه مابعدها روعه .. الأجسام والدماء و الحركات والذكاء كلها واقعية لأبعد درجه !!
الأسلحه : يا إلهي ! ابداع في التصميم والإضائه جعلتني "أبحلق" في كل سلاح يمر علي من جماليته !
الخرائط : المباني .. الشوارع .. الأرصفه .. الطبيعه .. كلها على بعضها تعطيك تحفه فنية لم ولن تتكر في ألعاب قادمه !
spoiler
وحتى لا أنسى .. المرحله الثانيه الي اهي مرحلة الدبابة .. أعتقد هذي اقوى مرحله لعبتها بحياتي .. قرافكس .. تحكم .. شنو هالإبداع يا سوني !!
spoiler
التقييم مع الإجحاف بحق سوني وغوريلا قيمز : 10\10
التحكم :
واقعي .. رائع .. مافيه تعقيدات مالها داعي .. تقدر تغيره وتخليه بما يتناسب مع طريقة لعبك .. ممكن الي يجربه اول مره بيقول ثقيل .. بس مع الوقت راح يحبه .. و "يعشقه "
التقيم : 10\10
الأصوات :
ماذا اقول وماذا أترك .. "شقول وشخلي" ..
بالفعل قنبله .. روعه الأصوات زادت جمالية اللعبه جماليه ..
كل سلاح .. كل حركه .. كل لمسه لها صوت معين .. لم ينسوا لا كبيره ولا صغيره ... لدرجه انه حتى لم تاخذ سلاح من الأرض وتبدله مع سلاحك .. تسمع صوت سلاحك واهو يطيح على الأرض .. بالفعل ذهلت !!!!!!!!!
التقييم : 10\10
بالنهاية أحب أقول .. الي مومفكر يشتري اللعبة .. يشتريها واهو مغمض .. لانها راح تفرض نفسها عليه بجماليتها وروعتها ..
لعبة مثل هذي انا مستعد أنهيها 10 مرات بدون كلل ولا ملل .. لأن ادري مع كل مره بلعبها بكتشف شي جديد .. أو بشوف اشياء ما التفت لها بالمره الأول ..
شكرا ً سوني .. شكرا ً غوريلا قيمز ..
بالفعل متعوني
فيديو للإثبات
"يحتوي على مشاهد قد تحرق عليك اللعبه"
http://www.youtube.com/watch?v=nMrAE5xapfI
تحياتي للجميع
alone
http://www.buttonmasher.co.nz/wp-content/uploads/Killzone2coverart_127DE/killzone2cover.jpg
بالبداية أحب أهني جميع الاخوة بالخليج بصدور اللعبة الرائعة Killzone 2
قبل موعدها الأصلي ب 17 عشر يوم وكان الله في عون من لم تصله النسخه سواء في الخليج أو ببقية دول العالم ..
عموما ً .. حصلت على نسختي اليوم في الكويت الساعه 1 ظهرا ً
وبدأت مغامرتي في اللعبة بطور الأوفلاين " التوصيل " في تمام الساعه الواحده والنصف تقريبا ً وانتهيت قبل قليل "الساعه التاسعه و 50 دقيقه مساءا " من انهاء اللعبة .. على مستوي
easy .. لاني بس أهتم بالقصه والقرافكس والقيم بلاي
وانطباعاتي هي كالتالي ..
القصة :
من أروع القصص التي مرت علي في مجال الألعاب بالفعل قصة قوية جدا ً يعني من كثر قوتها صراحه ماقدرت اني اقوم من على السوني .. أخلص مرحلة اقول يالله الحين اقوم .. انجبر اني اقعد واتابع لعب حتى اعرف شراح يحصل .. وطبعا ً النهاية حدث ولاحرج رائعه جدا ً .. لكن نصيحه .. قبل لاتلعب هالجزء اقرى قصة الجزء الأول عشان تكون محيط بكل الامور وانت تلعب وما"تصيع" ..
التقييم : 10\10
القرافكس :
يــــا ربــــــــــــــــــّــــــــــــــــــــــــــــا ه
كيف لكِ أن تفعلي ذلك ياقوريلا قيمز .. كيف لك أن تفعلي ذلك يا سوني !
اخواني واحبائي .. تدرون شنو أول شي فكرت فيه لم لعبت اللعبه ؟؟
تذكرت لعبة
God of war
كان أقوى لعب وأقوى قرافكس على جهاز بلي ستيشن 2
وكان من انتاج سوني .. يعني القصد ان سوني استغلت امكانيات جهازها بالشكل المطلوب
وهالشي تكرر الحين مع كل زون ..
قرافكس جبار .. رائع .. مذهل .. قوي .. كل كلمة مدح لزقوها بالقرافكس
كمصمم قرافكس صعب يعجبني شي وأركز على كل كبيره وصغيره لم اشوف اي عمل قرافكس
لكن سوني خلتني "أنكعم" وأسكت واحط لساني بلحجي وأبحلق عيوني في كل لحظه من لحظات لعبي للقيم ..
بإختصار " أقوى قرافكس وأنميشن مر علي بمجالي الفيديو قيمزي "
يعني ماتدري وانت ترمي الي جدامك تستمتع في ذبحه .. ولا تستمتع طريقة موتته .. ولا تستمتع في جمالية السلاح في إيدك ولا تسمتع في الطلقات واهي تطلع من السلاح ولا تسمتع في طريقة خروج الدم من الشخصية الي جدامك ..
الشخصيات : روعه مابعدها روعه .. الأجسام والدماء و الحركات والذكاء كلها واقعية لأبعد درجه !!
الأسلحه : يا إلهي ! ابداع في التصميم والإضائه جعلتني "أبحلق" في كل سلاح يمر علي من جماليته !
الخرائط : المباني .. الشوارع .. الأرصفه .. الطبيعه .. كلها على بعضها تعطيك تحفه فنية لم ولن تتكر في ألعاب قادمه !
spoiler
وحتى لا أنسى .. المرحله الثانيه الي اهي مرحلة الدبابة .. أعتقد هذي اقوى مرحله لعبتها بحياتي .. قرافكس .. تحكم .. شنو هالإبداع يا سوني !!
spoiler
التقييم مع الإجحاف بحق سوني وغوريلا قيمز : 10\10
التحكم :
واقعي .. رائع .. مافيه تعقيدات مالها داعي .. تقدر تغيره وتخليه بما يتناسب مع طريقة لعبك .. ممكن الي يجربه اول مره بيقول ثقيل .. بس مع الوقت راح يحبه .. و "يعشقه "
التقيم : 10\10
الأصوات :
ماذا اقول وماذا أترك .. "شقول وشخلي" ..
بالفعل قنبله .. روعه الأصوات زادت جمالية اللعبه جماليه ..
كل سلاح .. كل حركه .. كل لمسه لها صوت معين .. لم ينسوا لا كبيره ولا صغيره ... لدرجه انه حتى لم تاخذ سلاح من الأرض وتبدله مع سلاحك .. تسمع صوت سلاحك واهو يطيح على الأرض .. بالفعل ذهلت !!!!!!!!!
التقييم : 10\10
بالنهاية أحب أقول .. الي مومفكر يشتري اللعبة .. يشتريها واهو مغمض .. لانها راح تفرض نفسها عليه بجماليتها وروعتها ..
لعبة مثل هذي انا مستعد أنهيها 10 مرات بدون كلل ولا ملل .. لأن ادري مع كل مره بلعبها بكتشف شي جديد .. أو بشوف اشياء ما التفت لها بالمره الأول ..
شكرا ً سوني .. شكرا ً غوريلا قيمز ..
بالفعل متعوني
فيديو للإثبات
"يحتوي على مشاهد قد تحرق عليك اللعبه"
http://www.youtube.com/watch?v=nMrAE5xapfI
تحياتي للجميع
alone